dem Marggraůenn von Brandenbůrg, vnd mit den Graůen vonn
Anhalt in das Lanndt zogen, vnnd Meÿssenn, das Osterlanndt,
vnnd Pleÿssenn verhertn, mit brant vnd schlacht. vnd verderbten
sein Sůne sogar besůnderlich Marggraff Hainrich das ÿm
der nam wart gegebenn AneLanndt.

Da aber Lanntgraff Albrecht nichts zů der sache thet. vnd still sass.
vermeinten die genante der Marggraff vnd die Graůen von Anhalt
gnůg gethan habenn. ÿrer zůsage. vnnd als sie ains tags ein grossen
rawb geholt hetten. vnnd wider heÿm ziehen woltn. vberfieln sie
die Iůnge Marggraůen von Meÿssen. legtenn sie nÿder vnd behieltn
den Sÿg also. das sie den Marggraůen von Brandenbůrg. vnnd vil