Edle fingen. Vnnd ein Graff vonn Anhalt kaůmet daůon kam.
Etliche schreibenn das die Iůnge Marggraůen von Meÿssen. des
Iůngen Lantgraůen Sůn von Důringn haben obenbenantenn
Marggraůen von Brandenbůrg mit allen den seinen gefangenn.
Also hab aůch der Sechsisch. krieg den ÿn Ir Vater angericht hett.
ein endt genůmmen. Da nůn der Vater seiner Sůn Sÿg erfůr wart
er erstlich aůs verboster verhartůng seines vnůeterlichen gemůts.
beweget. sein Sůn zůenterbenn. Beůor das die fůrnemsten von dem
Důringischen Adell, vnd sůnderlich die Epte vnd andere
Prelaten, ÿn zůfielnn. vnnd gůnstiger dann ÿm warnn.

Solch gros glůck der Jůngn Lantgraůen beweget aůch des aldenn
Lantgraůen Bastardt mer vngůnstigen willen an den Jůngn