Da konig Hermenfrid ein solchen schaden entpfangen hett. beschlos er. wie
er vermocht. sich mit konig Dittrich zůůertragen.Darůmb
schickt er den Ritterr Jring. mit dem maisten tail seiner schetz. vmb ein
frid bitendt. Derhalbenn der Ritter Iring als er vor konig Dittrich
kam also redt. Dise gabenn schickt dir etwan dein freůndt. Aber
leÿder itzůndt dein williger diener. demůtiglichen Bittendt. ob dů dich
seÿner nicht erbarmenn wilt. Dich doch vber dein schwester. vnd dein
nebenn zůerbarmen. Die da itzt in die letzte not gesetzt seint. Als
der Ritter Iring solch gewerb mit weÿnenden awgen gethan hett.
Antwort konig Dittrich aůff vnnterredůng mit den seinen er wolt.
die Sachssenn wider vonn ÿm schicken. vnd mit konig hermenfrid
ein frid machen.