vnnd kam darnach solch Slos an den Apt zů Reinhartsborn Marqůardt.
Der derhalbenn mit dem Lantgraůen zů Eysennach daůon Handelt.
Sunderlich In betrachtůng. das. Wenn gnanter her hainrich Von Mÿla
ader aber ÿmants anders das Sloss vberkeme. das seinem Closter
vil nachtails vnnd schadens wůrdt widerfharn. Demnach nam diser
Apt das Sloss vmb dreÿssick marck silbers Jherlich daůon zůraichn.
Nach Cristi gebůrt zwelffhundert. vnnd Im Neůntzigstenn Ihar.
Also setzt der Abt sein Jheger Fridrich Gitz gein Tenenberg
zů ainem Vogt. der die selbenn pflege. redlichen verwaldet. Vnd
war so lang in solchem dinst. das er eÿn erbdorff vnnd zins dabeÿ
kaůffeth. Von welchem sein die Gÿtze kůmmen noch diser zeit vmb
Tenenberg Wonhafftig.

Nach Cristi gebůrt zwelffhůndert vnd Im ainvndNeüntzigsten Jhar.
fordert der Romisch konig Růdolff das Osterlandt wider. Derhalbn