er auch gein Aldenborg zcog. Aber Marggraff Fridrich Sprach. Es
kostet geldt vonn dem Raich zůentpfahen. Wenn ÿm solchs behendet.
wůrd. So wolt er dem Romischen Raich darůmb antwůrtenn. Aber
daůor vnnd ee ÿm ablosůng geschee. nach vnterweÿsůng seiner brife.
nicht. Also setzt ÿm der Romisch konig ein tag der ablosůng. vnd
zcog von dannen důrch Francken Landt. vnnd starb kůrtz darnach.

Nach tot des erstbenanten Romischn konig Růdolffs. wart Adolff Graff
vonn Nassaw zů Romischen konig erwelt. vnd an Sant Johanns
tag. Im Sůmmer zů Franckfurdt. In gegenwertckait viler
Fůrstn vnnd herren. gekront. Nach Cristi gebůrt zwelffhůndert
vnd Im zweÿvnndNeůntzigsten Jhar Weÿl nůn diser Lantgraff Albrecht.
seinen kindern zů nachtail vil Fůrstn vnd herren seinen nachbarn
das Lanndt zůůerkewffen angeboten hett. vnd ÿr kaÿner wider die
frůmme Jůngn herren damit thůn wolt. Aůch zům tail dass sie