Darůmb zcog der Romisch konig Adolff vmb Sannt Michels tag. mit
einem grossenn here In Důringn. Stete Schlosser. vnnd dorfferr
einzůnemen. Also nam er Eysennach vnnd vil
anndere Stete eÿn. Der Lanntgraff Albrecht mechtig war. Aber
daran vnbenůgig. můtet er den Graůenn vnd seinem Adell an.
dem Romischen konig zůhůldenn. das woltn sie Inn kaÿn weg thůn.
Aůch woltenn ÿm nicht alle Stete hůldenn. der der Lanntgraff
nicht mechtig wass.