Da der Romisch konig Adolff merckt. das ÿm etlich Stete in Důringn
vnnd anndere nicht hůldenn wolten. wart er mit grossem zcornn wider
die Graůen vnnd Edeln bewegt. versammelt ein grosses heer aůs dem
Rinckaw. vnd zů der herrschafft vonn Nassaw gehorig. Vnter
welchem Folck vil bose. verwege vnd vnredliche bůben warnn. aůs
allenn Landen. gesammelt. Mit disem wilden
vngeschaffen vnnd verwegnem heer zcog der Romisch konig vor Eÿsslewbenn.
vnd belegert dieselb Stat. vnd fordert die Graůenn
beÿ grossen bůs ÿm zůhůlden. Als sie aber aůssenn blÿben. vergas
er seiner koniglichenn Ere. vnd hies sein heer die Graůen an dem