verderbt hett. das sie in den herschafften der vonn Swartzbůrg vnd Beichlingn
nichts mer zůr fůttrůng ader heerspeÿs dienlich. greiff er mitsambt seinem
heer die kirchenn an vnd brach die aůff, Vnnd Namen daraůs mesgewant
altartůcher. mesbůcher. kelch. vnd licht. aůch glockenn vnnd alles. das geldt
gelden mocht. Vnnd wo sie Inn ein kirchen kamen da ein Priester vber dem
altar mess sang ader las. do beÿtten sie nicht des endts der mess.
Sůndernn namen ÿm den kelch vnter dem hailign Ambt. Desgleichen die
licht vnd das Bůch. vnnd zcogenn ÿn vber dem altar aůs. Sie
begiengen aůch die aller graůsamste sůndt zů Vippach vnd Mittelhawsen
die Inn der Cristenhait nÿe gehort wart. Wann sie griffen die
Bůchssen da der allerhailigst Warleichnam Cristi ynnen was vnd das hochwirdigst
sacrament. da alle vnnser selickait Innen steet. freůelichen an. Vnnd
brachen die Schenck [lies: Schrenck] aůff da es Innen stůndt. Schůtten es aůff aÿn tůch
vnd namen die Bůchssen. die silbern zůschlůgen sie. vnd die nicht silbern
verkawfftenn sie.

Gedachter grawsamen vntat halben strafftn etliche alde Ritter gotsforchtige
menner, den konig das er solch grosses vbel gestat, zůůor so gar