mit den kongischen. die nach vil stercker warnn. Dann sie. Da forchtn
die kongische Ambtlewth. der Jůngn herren man. wůrdn ÿn entwerden, vnd
erstorcken ÿn die pferd. das ÿr vil zů Fůs kamen. Da sie dess gewar
wordenn erstachen sie den kongischenn wider ÿr pferde. Also kamenn sie
baider saitn gar fast alle aůff die erdenn.

Darnach sammeltn sie sich zům Drittn mal vnd rwetn. In mitler zeit
kamen mer Erbare lewth von der Nese. die das erfarn hetten den Iůngn
Fůrstn zůhůlff. Also traffenn sie. erstochen die pferd
vnnd schicktn ain tail hindersich. vnd kamen alle zů fůs. Ir
wart aůch ein mercklicher tail baidersaits erstochn vnd verwůndt.
In dem kamen die vonn Gotha wider, die vor geflohenn warn.