aůs dem streÿt mit den ÿrn. Her Vasan. Herr Gÿr. vnnd herr Weltnen.
vnnd hettn ÿrnn hawbtman von Brawberg aůffgebracht. die kongische
zůrettn. Dÿweil kam mer Adels aůs dem Lanndt In streit den Jůngn Fůrsten
beÿstendig zůsein. Aber ee der vonn Brawberg mit den von Gotha Inn
streit kam. hetten die widerwertige den Sÿg gewůnnen. Vnnd die
gefangenn auff Ackerpferdenn hinweg gefůrt. Als nůn
nach Cristi geburt zwelffhůndert vnnd Im SybenvndNeůntzigstn Jhar das
kongisch Folck nidergelegt. gefangn. vnd geslagen was in Důringenn
Hettenn die Iůnge Fůrstn. mitsambt den Graůenn. Erbarn lewthn.
Steten vnd Pflegenn wol ein grossen schadenn gethan. Aber In
besorgůng das es ÿn selbst mocht zů nachtail raichn. Wann sie hofften
all yr Lanndt wider zůerlangn. Darůmb woltenn sie
sich nicht in merer enporůng gebenn.

Jnn mitler zeit wart dem konig Adolff soůil kriegs an dem Reÿn vonn
Hertzog Albrecht vonn Osterreich. konig Růdolffs etwan Romischenn
konigs Sůn. das er mit seinenn aigen Landen soůil zůschick gewan
Das er dess Lannds zů Důringn wol vergas. vnd dem von Brawberg derhalb