Diss geschah Nach Cristi gebůrt Dreizehenhůndert vnd Im Sechstn Jar
Darnach gewan er das Sloss Frobůrg. Belegt aůch die Stat Bornn.
zustůndt. kamen zů ÿm die vonn Leiptzick mit andern vil Stetn.
Aůch vil Edellewth. Ritter. vnnd knecht die ÿm schwůrn vnd
hůldetn. Also verlos Lanntgraff Fridrich, vnd sein Brůder
Tÿtzman gar schier das ganntz OsterLanndt. Als der
Wÿnter kam. der vber gewonhait kalt was. erfrůren der Swabenn vnnd
Reÿnlender vil. Also das sie benotigt wůrden. das meÿst tail wider
heimzůziehenn. In mitler zeit speÿstn die Jungen Fůrstn.
ÿr beste Stete vnd Slesser. Als Freÿberg vnd Meÿssen. vnnd
besetztn die mit Folck.

Nach diesem Jhar kam der Romisch konig Adolff wider mit grossem
gewalt gein Aldenbůrg. vnd schicket nach Lanntgraff Fridrich