Da er lies die mawrn des Sloss eer sie der Verretereÿ Innen wůrden.
vonn aussen vntergrůben. Also das die maůr einfiel. Darnach vberfiel er
die Darÿnnen warn. vnd fieng beÿ Sechzcig ader mer Ritter vnnd Edelman. Als
nůn die auff dem thůrm herab getryben warn. behielt der konig die Stat mit
gewalt. Da er vil der gefangn Ritter enthawbtenn Lies, das er
aůch den andern trawet. Aber Lantgraff Fridrich wolt lieber
alles sein Landt verliessenn. Dann sein getrewe diener vnnd
arme Lewth verderben lassen. Derhalben er aůch sie zůlosen dem
konig die gantzen Marck zů Meÿssenn ein gab. Vnd reÿt In seinem
aigen Lanndt an besetzůng mit dreÿen pferden ein lange zeit.
Welchs gros vnglůck ÿm alles sein vngůtiger Vater zůgericht hett.

Nach disenn geschichtn zcog konig Adolff an den Reÿn. sich vnnd sein
Landt wie aůch obenn vermelt ist wider den hertzogenn Albrecht
von Osterreich, zůretten. vnnd mit ÿm zustreitn. wie er aůch thet. Aber
nach dem der konig vil vbels hett gestat. Vnd zům tail aůch