Verschafft, Im OsterLanndt. Důringn. vnnd anderswo zubescheen, gewan
er vil mÿsgůnner vnnd abfals. aůch von den Jhenign die vorhin sein
beste freůndt gewesen warn. Vnnter welchen aůch der ErtzBischoff Gerhart
Vonn Meintz was. Also hett sich der Hertzog Albrecht wol zům streÿt.
geschickt. vnnd sein spitzen vnd panÿr wol bestalt. Vnnd traff mit des
konigs heer, Inn dem brach aůch aůff die hůte die dem konig gelegt was.
vnnd traffen hinden an ÿn. Also wart er beringt an allen endenn. Da wart
ein harter streit, vnnd wart gar vil Folcks erslagen. Der
konig Adolff blÿb aůch selbst tot, Sein Sůn gefangn. vnd vil gůter
Lewth erslagenn vnnd gefangn. Etlich schreibenn das dis gescheen
seÿ. Nach Cristi gebůrt zwelffhůndert vnnd Im Achtvnndneůntzigstn Jhar.

Wiewol nůn Lanntgraff Albrecht der vngůtig Vater sein gemůt wider sein
Sůn nichts in besserůng vnd Veterlich gůte geandert hett. Dennoch was
der krieg von wegen des konig Adolffs abgang fast hingelegt. Also starb
Nach Cristi gebůrt Im Dreÿzehenhůndertn Jhar kůngundt ader kunne
von Eysenberg. zů Wartberg. Die des gantzen kriegs ein vrsach was.
Vnd sie erwelt ÿr begrebnÿs zů Sant katherina beÿ den andern Fůrsten zů,