vnnd aÿgenn Erbenn zuerzeůgen. Darumb nam er zů weib Frawenn
Adelheÿt vonn Castell geborn. des Graůenn von Arnshawg verlassene
witwe. Vnnd hett hochzeit zů Wartberg. Dahin die Graůen vnd herren
die es mit ym hielden zů ÿm kamen. Wiewol der wenig was. Vnd dise
Fraw bracht ym vil guts. gelts. vnnd gelts wert zů. Welchs ist gescheen
Nach Cristi gebůrt Dreÿzehenhůndert vnnd Im andernn Jharr.

Nach Cristi gebůrt Dreyzehenhůndert vnnd Im Sechsten Jhar zwůngn die
Junge Fůrstn. von Meyssen yre widerwertige vnd sůnderlich die vonn
Eysennach So ser vnd ÿr helffer. das sie beforchtn ÿr Stat wůrd ÿn vorratn.
von der Bůrg Clemme. Vnnd erwarben gůnst vnnd verwilligůng des konigs
vnd Lantgraůen dasselb Schloss einzůbrechen. vnd den thurm vmbzůwerffn Dess
sie ein Brieff vonn dem konig entpfingn. Nachdem sie sich aber noch mer,