besorgten. brachen sie nach zwen thůrm eÿn wider der Thůmherren
willenn. an vnnser lieben Frawen kirchenn. Welche hart an der Stat
maůrn stůnden. Vnd namen die glocken abe. Derhalben sie lange zeit
an gelewt warn. Deshalb das Capittel dis Stat mit recht fůrnam. vnd
die Bebstliche hailickait dem Capittel zů richter gab den Abt von Hirsfeldt
Vnnd als die vonn Eÿsennach mit den Iůngn Fůrsten zů gnaden kamen.
richteten sie sich aůch mit dem Stifft zů Eysennach. vnd erliessen dasselb
Capittel darůmb des weggelts. vnd gaben ÿn den průnnen vnd leÿmgraben
In ÿrem ring.

Vierwochenn darnach als die vonn Eysennach das Slos Clemme ingebrochn
vnnd die thůrm an vnnser lieben Frawen kirchen vmbgeworffen hettn.
gab die gnante Lantgrefÿn Adelhait ÿrem StiffSůn vnd aÿdam Marggraff
Fridrich. als ÿm dann ÿrem man. vilgůnstiger, wegan. darzů das
er Wartpůrg gewÿnnen mocht. Darzů sie ÿm zůhelffenn erbot. Aůch
Darnach das ganntz Lanndt wider zůgewÿnnen. Also kam er fůr.