Nach diser Erstenn Frawen abgang. Nam er ein geborne Grefÿn von
Arnshawg genant Elisabet. Vnnd mit derselben het er ain Sůn lantgraff
Fridrich den Fraidigenn. Vnnd ein tochter Elisabet Lantgrefÿn zů Hessen.
Mit diser seiner andern Frawen Elisabet von Arnshawg geborn. Erbet
Lanntgraff Fridrich Arnshawg. NewStat an der Orla. Pessneck.
vnnd Jhene. mit ÿrer zů vnnd eingehorůng.

Dieser Lanntgraff gab all sein Lanndt Meÿssenn vnnd Osterlandt,
vmb die erlosůng seiner Ritterschafft, die ÿm vom Romischen Konig
Albrecht zů Freÿberg abgefangen war. Also das er ein Lange zeit nicht