Nach tot dess gedachtenn Romischenn konigs Adolffs wart hertzog Albrecht.
vonn Osterreich Romischer konig erwelt. zů welchem Lantgraff Fridrich
zcog gnad zůerlangn. Dann diser Romischer konig verhies ÿm erst alle
sein Landt wider zůgeben. das er doch nicht hielt. Sůndernn lÿh die
Marck zů Meÿssenn seiner schwesterr Sůn. Derhalben
sich diser Lantgraff wider heÿm macht. Vnnd Lies den obinbemelten.
Graůenn von Nassaw Freÿ in dem Slos vmbgeen. Als er nůn erfůr das
sein Vetter der Romisch konig gestorbenn was, wart er trewlos.
vnnd kam in der nacht daůon.