Solche newen getzeiten kamen fůr den Romischen konig Albrecht, Welcher grossenn
verdries vnnd schmertzen daůon entphieng. vnnd sammelt aber ein
grosses heer. Vnnd zcog selbst mit dem selbenn Folck in Důringn Vnnd
hielt da vil tag mit Lantgraff Fridrich vmb das Landt zů Důringn
als solt dasselb. darůmb das sein vorfarnn konig Adolff gekaůfft het.
důrch sein tot verledigt vnnd an ÿn als sein nachkůmmen gefallen sein.
Aber In mitler zeit thet nichts desterweniger der Romisch konig
den Graůen vnd andern in Důringn mercklichen grossen schaden. mit
rawben vnnd brennen. Er bot aůch dem lantgraff Fridrich vil
gelts fůr die gefangenn zůgebenn. Aber Lanntgraff wolt kein
gelt nemenn. Sůndern gedacht sie der maÿnůng zůbehaltn. ab die seinen
wůrden Sÿgloss das dieselbenn mit den andern gefangn gelosen.
Da das der Romisch konig merckt, drawet er dem Lantgraůenn er wolt nicht ee,