Die vonn Eysennach liedenn vil von lantgraůen Fridrichs Folck. vnnd
sůnderlich Nach Cristi gebůrt Dreÿzehenhůndert vnnd Im achten Jhar.
Derhalben sie vilfaltig botschafft hetten beÿ dem Romischn konig. bittendt
vmb hůlff, mit antzaigůng wie das ÿn nymants getrewen beÿstandt
ertzaigt. Welchs sie die leng in keÿn weg mochtn zůertragen. Daraůff
der Romisch konig den Graůenn vnnd herren in Důringn dise maÿnůng
schreib. Das das landt zů Důringn zů dem Romischenn Raich gekaůfft.
vnnd aůffgelassenn wer. Darůmb teten sie vnrecht das sie wider das
Raich werenn. vnd dem ablegtn. Vnnd sich mit dem Lantgraff
hetten verbůnden. vnnd ÿm wider das Raich hůlffenn Daraůff
dem Romischenn konig kein redlich anntwort wart. Wann sie sprachen.
Sie woltenn ÿrem rechten Erbhernn helffen. holt vnd getrew sein. Als
ÿr Eldernn gethan hettenn. Derwegenn der Romisch konig.