ser beweget wart. Vnnd nam fůr wider mit grossem heer in
Důringn zůziehenn, vnnd die Stete vnnd Slosser zůgewÿnnen.
Vnnd ÿm gehorsam zůmachenn. Derhalbenn er aůch Inn Swabenn
Baÿrn vnnd Osterreich vmb zcog zů seinenn freůnden. Aůch zů
den ErtzBischoffen. Bischoffen. vnnd andern Fůrstn vnd herren
am Reÿm [lies: Reÿn]. Aůch zů den Raichstetenn. vnd erweget dieselben
zů einer grossenn heerfart. Inn vermeÿnter hoffnůng damit das landt
zů Důringn. zůgewÿnnen. vnnd die Meÿsner vnnd Osterlandt zůvnterdrůcken.

Jnn dem benanten Jhar Nach Cristi gebůrt Dreÿzehenhůndert vnd Im
achtenn Jhar vmb Sant Johanns tag Im sůmmer. Als der Romisch
konig Albrecht sein heer versammelt hett abermals in das Lanndt
zů Důringn zůziehenn. Vnd was in der Stat Reÿnstedt. vnd het beÿ ÿm
den ErtzBischoff Peter zů Meintz seines brůder Sůn Johansen. vnd
vil herrenn aůs Osterreich vnd von dem Reÿn. Vnd wartet da bÿs