Nach Cristi gebůrt Dreizehenhůndert vnnd Im Neůnten Jhar begab sich
ein gros Vnaÿnickait zwischenn disem Lantgraůen vnd den vonn Erffůrdt. Wann der
Lantgraff fordert an den vonn Erffůrdt, die dorffer, gericht, vnd
Vogteÿ. die ÿn sein Vater wider sein willenn verpfendt vnnd verkawfft hett,
Aůch desgleichen an seines brůders willenn Darůmb wolt er solche
gůter alle wider habenn. Aůch hettenn die von Erffůrdt vil dorffer, gericht,
vnnd Slosser wider die Erbarnn lewth Inn seinem Lanndt abgekawfft.
Weÿl er mit seinem Vater Vnaÿnig was. Wann er nůn darůber ein lehenher war.
wolt er solchs nicht lenger důldenn. Sůndernn wandel vnd widerkar
darůmb habenn. Derhalbenn wůrden vil tag angesatzt, Aber
es kam zů keÿnem endt, dann der lantgraff mocht von den vonn Erffůrt
nichts frůchtbars erlangn. Wann sie Sprachen. Sie hetten seinem