Vater dorffer. Vogteÿ, vnnd gericht abgekawfft vnnd wol Vergoldenn. Solchs
hett er wolgewúst, vnd die zeit nicht widersprochn. Aůch was sie den
Erbarnn lewthen abgekawfft hettenn. das het ÿn der Ronig [lies: Romisch] konig bekant
vnnd gelihen. Sie hieltenn es aůch dafůr er wůrd ÿn Inn solchn ÿrn kawff
kein widerred thůn. So wern sie aůch vngesÿnnet ÿmants zůgeben vnd
zů rawmen was sie redlich vnnd offenbarlich gekawfft Hettenn.

Dawider die Graůenn Ritter vnnd Erbar lewth setzten. das Bůrgern
In kaÿnem recht zcimbt. gůter Rittern Edeln. vnd knechten
gemacht, darůmb verordent vnnd aůsgesetzt, an sich zůbringn vnd
zůbesitzenn. Daraůff die vonn Erffůrdt antwortn Sie wern von dem hailigen
Romischn Raich darzů tůglich vnnd gůt gemacht, Sie woldenn aůch benante
gůter behaldenn. vnnd eingreiffůng vnd geweldig antastůng daran werenn.

Da nün die vonn Erffůrth aůff vil bescheen tagenn keÿn warnůng ader