Darnach gebot der Lantgraff seinen Fůrstenthümenn starck aůff.
Die ÿm aůs Meÿssen vnd dem OsterLandt wolgerůst vnnd grosser
anzal kamen. Es zogenn ÿm aůch vil Behem zů vnd Voÿtlender.
versammelt sich mit denselbenn vor wÿhe. Vnnd da man sichs
am wenigsten versah. růcket er vor Weÿmar. vnd bezwang den
Graůenn in wenig tagenn also das er sich můst zů gnaden
ergeben. Vnnd geschah Nach Cristi gebůrt Dreÿzehenhůndert
vnd Im Eylfftenn Jharr.