Da die vonn Erffürdt solchenn schaden erlidenn hetten. vnd důrch ÿr
aigenn krafft vnůermůgenhafftig warn. Dem Lantgraff zů widersteen,
schickten sie zů dem Romischenn konig Heinrich. Welcher
ein graff von lůtzelbůrg was. nach abgang des Romischenn Konigs
Albrechts zů Romischen konig erwelt. Vnd batenn sein koniglich maiestat
vmb gnedige hůlff wider ÿr feÿndt. Derhalbenn der
Romisch konig ÿn einen Ritter genant den von Nůrmberg. schicket.
Die vonn Erffůrdt schicktenn aůch zů dem Lantgraůen von hessen
Vnnd baten ÿn aůch vmb beÿ standt. Daraůff er ÿn sein brůder
Lanntgraff Johannsenn schicket.