Also wart der Rat zů Erffůrdt vonn der gemaindt ÿrer Stat darzů gebracht.
das er sich můst mit dem Lantgraůenn Inn ein Richtůng gebenn.
Soůil vnnd gros dorstickait vnd freydickait legt die gemein dem Rath
an. Darůmb gabenn die von Erffůrdt dem Lantgraůen ein grosse Sůmma
gelds. Damit sie aber etliche dorffer mochtenn behalden mitsambt
yren gerichtn. bezaltenn sie dieselbenn fůr zwelfftaůsent marck
silbers. Vnnd was den vonn Erffůrdt Lantgraff Albrecht. vonn
freiheiten vnnd priůilegien hett gegeben. můstn sie dem Lanntgraff
alle wider antwortenn. Derhalbenn mustenn sich die von Northawsen.
Vnnd die vonn Můlhawsenn aůch mit dem Lanntgraůenn richtn. vnd
mitsambt den von Erffůrdt mit benedeÿůng vil gelds den zorn.