des Streitbarnn Fůrstenn. verkůmmen. Damit sie entlich sein gnad.
widerůmb erlangtn. Vnnd diser krieg weret so lang zwischn
dem alten Lantgraff Albrecht von Důringen vnnd seinen Súnenn. vnnd
ander nachfolgende krieg. das der Acker vmb Erffůrt.
Gotha. Weissensehe. Northawsen. Můlhawsenn vnnd Weymar in den
selben Jharnn gar schier nichts gearbeit wart. Vnnd die dorffer verwůstet
wůrden. Vnnd als etlich Cronicka habenn. So hat diser Erffordisch krieg
Sÿben Jhar aneinander gewert. Vnnd sterbenn nach dem krieg.

Kůrtz darnach nemlich nach Cristi gebůrt Dreÿzehenhundert vnnd
ym Sechzehenden Jhar, wart ein grawsam tewrůng In den Landen. Wann
Indem Důringischen krieg wart das kornn aůs Meÿssen vnd Osterlandt