Welcher Lannge zeit sein feÿndt gewest was. vnnd ÿm. dieweil er mit den
vonn Erffůrdt kriegt, vil schadenns zůgefůgt hett. Jn dem
andert der Lanntgraff sein fůrnemen. Vnd zcog vber Graff Herman
von Weymar. der die Sůn. vnnd den frid wie er In vorzeitn dem
Lantgraůen gelobt vnnd geswornn hett. Da er ÿn vor Weymar belegt
hett. nicht hielt, Sundernn des Lanntgraůen Landt vnnd Lewth aůs seinen
slossernn beschedigenn lies. Darůmb gewan der Lantgraff
dem Graůen vonn Weymar vil Slosser an. Welche er aůch zům
tail zůbrach Besatzt aůch etliche. Vnd bracht ÿn darzů das er
sich ÿme Inn gnad gab. Vnnd gebot ÿm steten frid zůhaldenn. vnd nÿmmer
wider ÿn vnnd die seinenn zůthůnn.

Nach verendůng dises kriegs wider den Graůen vonn Weÿmar zcog
in demselbenn Jhar der Lantgraff Inn das Lanndt zů Pleyssenn.