da er vernůmmen hett. Das der Romisch kaÿser Hainrich der Acht ein Graff
vonn Lůtzelbůrg zu Rom gekront was. Vnnd Bestalt sein Stete mit manschafft
vnd vernůfft, wie er mocht dieselbenn Stete die er vonn des Raichs wegenn
fůr sein kost vnnd zerůng eingenůmmen hett. Welche er mit
den zweÿen Romischen konigen Adolff vnnd Albrecht. vmb das Lanndt zů
Důringenn gethan hett. Welche Stete der Romisch kaÿser Hainrich
berait angesprochenn hett. Vnd Nemlich kemnitz. Oschatz. Leÿptzick.
Grÿm. Torgaw. Haÿn vber der Elbe. vnd vil vester slosser. die aůch darzů
gehortn.

Die zeit da diser Lantgraff mit den vonn Erffůrdt kriegt. hett er aůch krieg
mit Marggraff Woldemar vonn Brandenbůrg. Vnnd wenn der Lantgraff
Inn Důringn was. So verderbt ÿn der Marggraff In Meÿssen. War er aber
Im Lanndt zů Meÿssenn. so verderbten ÿn die von Erffůrdt. So hett
er aůch aůff dasselb mal zů feindt den Graůen vonn Weÿmar Aůch
warnn baÿde Epte vonn Fůlda vnd Hirsfeldt sein widerwertige Die ÿn