Als es nůn růchtbar wůrd. das Lanntgraff Fridrich wie vermelt gefangen
wer, machten sich die vonn Erffůrdt. die von Můlhawsenn Vnnd die
vonn Northawsenn aůff, vnd theten dem Lantgraůen vil schadens Im
Landt zů Důringn. Aůch thet ÿm Graff Herman von Weÿmar wider
sein vorig zwifaltig zůsagůng vil verdries in Důringen vnd Im dem
Osterlandt. Aůch zogen ÿm die zwen benante Epte von Fůlda vnd von
Hirsfelt in sein Landt, vnd verderbten sein Folck ser vnd gewůnnen.
die zweÿ Slosser Rotenberg vnnd Breitenbach.