Sÿbenzehendenn Jhar ein ser gros Wetter vnnd schlůg zů Erffúrdt in
das Sloss vnnd verbrant den mitteln thůrm oben aůs. Das můshaws obenn.
das dach vnd das fornÿr mit den tischenn vnd dem gesess die zeit
mit kostlichem gemelt gezirt. Aůch was dasselb Můshaws schon mit
bleÿ gedackt. Das vertarb aůch in dem fewr. Darůmb lies
Lantgraff Fridrich die gÿbell erhohenn. vnnd wider mit zigelnn deckenn.
Aúch lies er den tůrm zům tail wider anHebenn.

Darnach Inn erstbenantem Jhar. als etlich Cronicka anzaigenn hat
diser Lanntgraff sein tochter Elisabet Lantgraůenn Heinrich vonn
Hessen Lantgraúen Otto vonn hessenn. Sůn vermehelt, Vnnd ÿm mit
grossem schmůck vnnd trefflicherr herlickait heÿm gefertigt.