Nachdem diser Fůrst in dem Dreÿvnndzweintzigstenn Jar seines alters
seines Vaters Feÿndt hertiglichenn verfolgt, ereÿlet er etlich beÿ
dem Stetlen zwencka, Aber als er seinem schnellenn zůúil vertrawet,
sah er sich nicht vleissig fůr. DerHalbenn er aůch
Vonn eÿnem vnedelnn mit eÿnem schweinspies. růcklichenn
erstochenn wart, am achtenn tag der Hailigenn dreÿ konige. nach
Cristi gebůrt Dreÿzehennhůndert vnd Im Fůnffzehenden. Vnnd
nach seiner můtter tot. Im zweÿvnndzweintzigstn Jhar Vnd
wart Im Closter zůr aldenn zelle Inn Meÿssenn begrabenn.