Diesem Lantgraůenn wart beÿ leben seines Vaterr Lanntgraůen Fridrichs des
Fraidigenn des konigs vonn Behem tochter eelichenn vertrawet. Vnnd Ÿm
mit grossen gaben gein Wartberg schicket, Welche
sein můter die Lantgrefÿn erlich hielt, Vnnd war
also Sechs Jhar Iůnckfraw weis aůff Wartbůrg. Als aber darnach
dem Lantgraůen geratn wart Des Romischen kaÿser Lůdwigs des Baÿrn
tochter zůnemen, schickt er benants Frewlen vonn Behem Irm Vater
wider heÿm. Vnd ist gescheen nach Cristi gebůrt
Dreÿzehenhůndert Vnd Im Neůnvnndzweintzigstenn Jharr.