Also zcog diser Graff Lůdwig in Důringen mit zwelff Ritterlichenn
mennern. vnd etlichen seinen Edelleůthen vnd andern. an den důringer
walt aůff die lewben. vnd hielt Sich. vmb kathelberg. Aldinberg. vnnd
kornberg. vnd nachdem ÿm die gegent ser wol gefiell kaůfft er vonn seinem
geldt dem Graůen Bÿso von gleichenn. Graůen Gůnther von
keffernberg. vnd andern edeln hernn vnd lewthen etliche gůterr ab.
mit ÿrn zů vnnd eingehorůngen Derhalbenn er lies
die Baům aůssrodenn. vnd bawet daselbst etliche dorfferr.
Nemlich Dinsterberg. Espenfelt. Engelsbach. vnnd Rode. Welchs
darnach Fridrichen Rod gnant wart.