erfordert, des rechtenn zůgewartenn. Nichts desterweniger die vonn
Erffůrdt ÿrn můtwillen an ÿm vbtenn, vnnd ÿn als ain laÿen hencktenn. Der
halbenn ein Interdict zů Erffůrdt So weit die Stat was. gelegt
wart, das bewegt die grobenn vnůerstendige Lewth also, das der
Rath allermeniglichenn erlawbt, der ichts mit den Pfaffen. zůthůn
hett, solchs mit ÿn aůsmachen. vnd an ÿn zůrechenn nach ÿrem wolgefallenn,
Darůon das gemeÿn Folck bewegt, den pfaffenn důrch ÿr hewser
lieffen, namen alles das sie fandtn. vnd etlich Behawsůng zůbrachen,
Vnd vnterstůnden sich solcher gewalt das sie etlich Priester tottenn.
Ettlich gefencklich hieltn. vnnd etlich verIagtenn. Zům andern list man
das die zwÿtracht seÿ erwachssenn aůs erwelůng zweÿer Ertz Bischoff
von Meintz. Als nůn die Priesterschafft von den von Erffůrt mit
so grossen beschwerůng von vnsers herren hÿmmelfart bis zů dem herbst
vnnd aůff Sannt Bartholomes tag. beladenn was. gab sie sich vnter
des Lanntgraůenn schůtz, dem sie ÿr beschwerde cleglichenn fůrbracht,
der sich der Lantgraff ser erbarmt, vnd die vonn Erffůrdt vor
das gericht zů Mittelhawsenn fordert, Aber die von Erffůrt verIagten den
Lantgraůenn vnůorsehentlichen von dannenn.

Aůs vorgemeltenn vrsachen vnd von der vonn Erffůrdt vnleÿdlicher