důrstickait wegenn. wart der Lanntgraff beweget ÿn die strassenn
nider zůlegenn, vnd zůweren. Welchs nach antzaigůng
etlicher aldenn Cronickenn. ist gescheenn Im andernn Jhar nach
seiner hochzeit, Als das die vonn Erffůrdt sahenn, verbůnden sie
sich mit den Graůenn in Důringn. Nemlich mit den von Weÿmar,
von kefernberg, vonn Beichlingen. vnd vongleichenn, vnd vberredten
sie mit ÿrem geschenck, das sie ÿn soltenn wider den Lantgraf Helffen.

Wider solchs, der vonn Erffůrdt fůrnemen. bracht der Lanntgraff,
Fridrich ein gros Folck aůs Meÿssenn. Aůs dem VogtLanndt.