soůil zwangs anlegten Das sie ÿn Ir soldener zůmermaln. bis in die
Stat Iagtenn. Vnnd entlich zů ainer solcher Richtůng drůngenn
das sie můstn Lantgraff Fridrich ein grosse sůmma gelds gebenn.
Vnd ein verbůndtnÿs mit ÿm machten. Welche aůch
von dem Lantgraůen zů Bůndtgenossen wůrden angenůmmen.

Jn erstgedachtem krieg wider die vonn Erffürdt hett diser
Lantgraff ein gros heer versammelt. vnd lies sich wider die hochrůmliche
tůgent. seines Vaters. vnnd sůnderlich das er die Closter mit kaÿnem
ding beschwert. vberreden. In seinen Iůngen tagen. von seinen vnclůgen
Rethen die gaistliche gůter vnd samnůng zůbeschwern. Darůmb legt
er sich mitsambt dem Lantgraůen Hainrich von hessenn seinem