schwagerr. Hertzog Hainrich vonn Sachssenn. Graff Bertoldt von
Hennenberg. Aůch mit andern Graůenn von schwartzbůrg. vonn
Beichlingen. von Honsteÿn. vonn Stolberg. von keffernberg von
Gleichen vnd andernn. Aůch mit seinen dinstlewthen, vnd manschafft vnnd
vntersassenn in Důringn. in das Closter Reinhartsborn. vnd lag
mitsambt achthůndert man Vier gantze tag darInnen. hielden da ÿr
gesprech. vnd sůchtenn daraůs ÿr feÿndt. Vnd theten dem selben Closterr
an speÿs vnnd tranck solchen schaden das es denselben In Langer
zeit nicht kůnt wider erholenn.

Darnach zcog diser Lanntgraff Im Jhar nach Cristi gebůrt Dreÿzehenhůndert
Vnnd Im ainvnnddreÿsigstenn Jhar. ein Rennhoff gein Pegaw Inn Meyssenn.
da vil Fůrstenn vnd herren hin kamen. Vnd wart
daselbst mit eÿnem spies gar schier důrchrant, Vnnd also.