das er vier ganntze wochen. Im bett lag. In welcher kranckhait er
vil clagt das vorbenant Closter Rainhartsbornn beschwert hett,

Inn dem selben Jhar kam diser Lantgraff aůs dem Lanndt zů Meissen mitsambt
seiner Frawen wider in Důringn. vnd aůs eingebůng des hailigen
gaists namen sie fůr zů Eÿsennach In Sant Johans Capellen In Sant
Niclaůs Pfarr in der lober gassen vier parfůsser zůsetzenn
Daselbst fůr ÿr vnnd yrer Eldern selenselickait teglich mit dem
hohen Ambt der hailigen messe. vnnd mit andern gotlichen Ambten
teglichn zůbitenn. zůstifftn. Nachdem aber der Lanntgraff zwen Graůen
In seinem Rath hett. einen von Swartzbůrg, vnd einen von keffernberg.
Die rÿeten Im. das er ein aigenn Capellen solt bawen. vnter Wartberg