rath darÿnnen bittendt vnd hülff dabeÿ zůbleibenn. Derhalben
schrÿben die erstbenanten alle an den Lantgraůenn, vor sein můter
bitende, das er ÿr leipgeding wie aller zcÿmůng gemes wer vnůerhindert
wolt lassenn. Wo aber solchs verbleÿbenn wůrdt.
můsten vnd woltenn sie ÿr helffenn.

Zustůndt als das sein schweher der Romisch kaÿser Lůdwig der Baÿerr
vernam schicket er sein brieff baÿdenn tailn gebietendt, bis aůff sein
ankůnfft mit der sachenn zůrůhenn vnd Frid zůhaben.

Also kam der Romisch kaÿser darnach gegenn Wartberg. vnd richtet den
Lantgraůen mit seiner můter mitsambt den von Erffůrt. Vnd vonn
Můlhawsen gentzlichenn in allen sachen, Vnd machet ein gůten Lantfrid,