gein Bůttelstedt. ranten sie vor Erffůrdt. bis Inn die thor. vnd aůff die
Stat grabenn. Vnd mit solcher macht das sich die In der Stat nicht
důrfften erewgen. Aber nichts desterweniger schicktenn sie ÿr
botschafft nach dem Lanntgraůen. Der kaům ein meil wegs von Erffůrdt
geraist hett. Darůmb er wider kert. gegen Erffůrdt. Also baldt die
von Erffůrdt vernamen. das der Lantgraff wider hett vmbgekert.
ÿn zůhelffenn. Da wůrden sie ser fro. vnd zcogen In grosser antzal
zů pferd vnd zů Fůs vor die Stat vnnd mit solcher macht das die
Swartzbůrgische vor ÿn můstenn weichen.

Die vonn Erffůrdt folgetenn den Swartzbůrgischn bis gegenn Egenstedt, da
het Graff Gůnther vonn Swartzbůrg ein hůt gelegt, in das dorff die brach
aůff vnd die Graůen wanten sich zú den vonn Erffůrdt vnd traffen miteinander
Strÿten baidersaits hertiglich. Die von Erffůrdt Stůnden Vest, Wann sie