wůstenn ÿrn trost Also kam Lantgraff Fridrich mit den seinen den von
Erffůrdt zů hilff, Darůmb wůrden In demselbenn slagen zwen Graůen
von Swartzbůrg vnnd mit ÿn vil Ritter gůter lewth vnd knecht gefangn.
Vnd gegen Erffůrt gefůrt. Also wůrdenn die Swartzbůrgische flůchtig
Derhalben ÿn der lantgraff nachfolgt. bis vor Arnstat, vnd fieng ÿr
vil vnterwegenn. Da er vor die Stat kůmmen was. růhet er. vnd slůg
die Júngen Edellewth zů Ritternn, Demnach wart ein gros geschreÿ
In der Stat vmb das der Lantgraff Fridrich Ir zwen Graůen gefangn hett.

Jnn mitler zeit kam der Graff vonn Firneberg. des ErtzBischoffs vonn,
Meintz brůder den Graůenn von Swartzbůrg zů hůlff, der sprengt,
mit zweÿhůndert gerweten vnnd wolbewapentn mannen zů dem Lantgraůen
vnd den vonn Erffůrdt ein. vnd er erslůg der můden streiter vil