Als dieser Lanntgraff die Graůenn von Weÿmar gedemůtiget hett.
vnnd Graff Gůnther vonn Swartzbůrg mitsambt seinenn
helffern vnd beÿpflichternn In ÿrm homůtigen fůrnemen gegen dem
Lanntgraůen verblÿben. nam er fůr ÿn aůch wie andere sein wider
wertige zůstraffenn, Vnnd zcog aůs mit den vonn Erffůrdt, legt
sich vor Aldenberg in der Fasnacht, Da die Lewth am frolichstn
warnn. vnnd gewan es an dem letztenn Fasnacht tag. Da wůrden dreÿzehen
beschediger erschossenn vnnd erslagen. Die andern namen die von
Erffůrdt gefangen, vnnd fůrten sie mit ÿn Inn ÿr Stat.
Die da an der Aschern Mitwoch enthawbt wůrdenn.