Darnach zcogenn diser Lanntgraff vnd die von Erffůrdt In mitfastn
aůff die Graůenn vonn Swartzbůrg gewanenn Růdolfstadt,
fieln in das Stetlen Namen vil gůts daraůs. vnd brantn es dar nach
gar aůs. In derselbenn Fastn aůff dem Weÿssen Sůntag gewanen sie
Heslerr vnd zůbrachen es. Darnach am dinstag vor vnsers herren
hÿmmelfarts tag. gewůnnen sie die Stat kale. mit dem Schloss
zůbrachenn sie baÿde. vnd fingn da wol Fůnfftzig Erbar mann.