Die zeit begert Gaff [lies: Graff] Heinrich vonn hennenberg sein tochter
katherina Lantgraůenn Fridrichs des Ernsten Sůn. dem Jůngen Lantgraůenn
Fridrich dem gestrengen zůůermahelnn. Derhalben
sie zůsammen aůff ainem hoff zů Eÿsennach kamenn. Als sie aber
an endt daselbst von eynander schidenn. verschmacht es dem Graůen
vonn Hennenberg ser. Vnnd hielts aůch derhalbenn mit den Graůen
von Swartzbůrg wider den Lantgraůen Derhalbenn darnach
der Lantgraff den Graůenn von Hennenberg. zů ÿm aůffs Sloss
Wassenberg bat. vnnd beschlossenn da die mahelschafft, vnnd
verlobtenn ÿr kinder an eynanderr.