Lantgraůenn mit gůthe zůůersůnen. vnd bracht soůil zůwegenn das es
zů freůntlichen tagenn kam. Daraůff vonn baiden tailn soůil betaidingt
vnnd vnterredt wart. das alle gefangenn aůff baidenn seiten soltn ledig
sein. Vnnd das des Graůen vonn Henneberg tochter Fraw katherina solt zůstůndt
zů yrem herren dem Lanntgraůenn wider ziehenn. Aůch das der Graff
solt dem Lantgraůenn seinem aÿdem vnd seiner tochter alle seine Sloss
vnnd Stete lassenn hůlden. vnnd doch dieselben zeit seines lebens gebraůchen.
Also kamen die Stete vnnd Sloss kobůrg vnnd Sůnnenberg, mit sambt andern
der hertzogenn zů Sachssen Steten vnd Slossern Im Franckenn Landt an die
Lantgraůenn zů Důringn.

Aůff dem hartz lag die zeit ein RawbSloss mit namen Erichbůrg,
vnd was Graůenn Hermans von Stolberg. Welcher rawber daraůff hielt
die das Lanndt zů Důringn. vnnd die Graůen von Sůndershawsenn ser
beschedigtenn vnd wolt wider richtůng nach recht vonn ÿn nemenn. Des
beclagten sich dieselben Graůen vor disem Lantgraůen, vnd den von
Erffůrdt, vnd andern Steten Inn Důringn die sie aůch beschedigt hettenn,