Bey disenn tagen slůgen sich vil lewth mercklicher antzal zůsammenn.
liessen ÿn ein Crewtz vertragenn. vnd hieben sich mit gerten vnd geisseln
offentlich, vnd zogen weÿt vnnd breit důrch vil Landt. vnd wůrden gnant
die Creůtzbrůder. oder Geÿsselbrůder. Nachdem aber befůnden wart.
das sie falsche bůsser warnn. vnd was sie offentlich verboten. heÿmlich
teten. wart ÿn von der Bebstlichenn hailickait ÿr fůrnemen gentzlich
verbotenn.