Diser Graff Lůdwig machet aůch weÿter vnnd grosser die kirchenn aůff
dem Aldenberg in vorzeitenn von Sannt Bonifacio gebawet. vnd begabet
sie mit grossen Claynaten. Derhalben er mit vil bit den
ErtzBischoff Bardo von Meintz vermocht dahin zůkůmmen. vnd am tag
der enthawptůng Sant Johans des tewffers dieselb kirchenn zůweÿhen.
Da derselb ErtzBischoff aůch dises Graůen ersten Sůn. Lůdwig
den Springer genant tawfft. vnd ÿn zů eÿnem Landvogt setzt vber
alle die gůter vnnd gerechtigkait die das ErtzBistůmb zů Meintz
in důringen vnnd hessen hat. Entlich starb diser Lůdwig aůff
einem Reichstag zů Meintz. vnd wart in Sant Albans kirchenn
begrabenn