Als der Romisch kaÿserr Karrll der Viert Nach Cristi gebürt
Dreÿzehenhůndert vnnd Im SÿbenvnndFůnfftzigstenn Jhar. mit heer vber den Rewssen
vonn plawen zog. Inn das VoÿtLanndt. vmb das er die lehenn dem Raich
zůgehorendt versessenn hett. Oder als etlich schreibenn. darůmb das der
Rews vonn plawen vil Stete vnnd Slosserr Inn pfandtweÿs Innenn hett.
der kron zů Behem gehorig. Die er vor langer zeit eingenůmmenn
hett. vnnd aůff kein gůtlich ansůchenn dem konig wider geben wolt. Nam
der Romisch kaÿser disen Lantgraůen aůch mit ÿm wider den Rewssenn. Aůch
beclagtn sich die herrenn vonn Meÿssen wie das der Rewss beschediger
des Lanndts wider sie vnnd die ÿrn aůff sein slossernn hielt. Darůmb
zog der Romisch kaÿser vnd der Lanntgraff Fridrich dem Rewssenn vor sein
Slosser. Vnd belegtn zům Erstn das Vest Sloss zcigenrůck oben vnd vnten
Vnd nachdem die daraůff warn. kein speÿs hetten. ÿn aůch dasselb zůspeÿsenn