vonn dem Romischenn kaÿser gewert wardt. dingtn sie Leÿb vnnd Leben
aůs vnnd gabenn sich vnd das Sloss. Darnach zog der
Romisch kaÿser mit sambt dem Lantgraůen vor Triptis. vor den Steÿn. vnnd
vor Ronnenberg. Welche alle vonn den Ambtlewthen dem Romischn
kaÿser gar leichtlich gerawmt vnd gegeben wůrdenn. Wann sie erschracken
so ser das benant Starck Sloss zcigenrůck gewůnnen was. aůch zům tail
das ÿn der Romisch kaÿser ser drawet. das sie kain Sloss traweten zůbehalden.
Dise Slosser gab der Romisch kaÿser den Lantgraůen zů Důringn. vnnd
Marggraůenn zů Meÿssen. Vnnd Nam die andern Slosserr zů der kron gein
Behem gehorenndt zů sich.

Als nůn benante Slosserr gewůnnen warnn. meÿnt der Rews vonn
Plawenn sein Ambtlewt hettenn sie vnbedrangt vnnd gern vbergebenn,
Vnnd fordert sie alle vor sich vnnd nach befragůng warůmb sie hettenn