vber den hertzogenn von Braünsweig, vnnd gewünnen ÿm ab.
die Slosser. Wÿnthawsenn. Wenghawsen. Hÿndenbůrg vnnd
Lichtensteÿn. Welche die Lantgraůen mit ÿrn Lewtenn,
besetztenn. vnnd verderbtenn was darůmb gelegenn wass.

Darůmb lies der Hertzog vonn Braůnsweig vmb Frid vnnd gnad aůffs
vleissigst bitenn. mit erbietůng wie er bůssenn wolt. alles das er wider
sie gethan hett. Also verbůrget er die sachenn den Lantgraůen. Vnd
die Lantgraůen zogenn frolichen nach solchem Sÿg wider Heÿm.

Darnach vber etliche zeit da diser Lanntgraff Fridrich der Gestreng.
benante Slosser die er dem Hertzogenn von Braůnsweig abgewůnnen hett.
wolt speÿsenn. Vnd In solchem willenn. etlich Speiswagen vnnd
geschůtz aůs seinen Steten daraůff zufůhrn abgefertigt hett, warthet
der hertzog daraůff, vnd nam ÿn die speÿs wagenn vnnd pferd. fing ÿm,